Løgreglan spælir ein stóran leiklut í samband við stórar landsdystir.
Martin Berg, løgreglumaður, sum hevur havt tað sum part av sínum starvsøki seinnu árini, at trygdin í samband við landsdystir er í lagi, vitjaði á Rás2 fyrr í dag.
Har greiddi Martin Berg frá, at tað er týdningarmikið fyri trygdina, at fólk møta í góðari tíð til landsdystir. Parkera bilin í góðari tíð, og koma inn á Tòrsvøll í góðari tíð. Martin Berg leggur eisini herðslu á, at tað er ein óbøtaligur skaði, um nakar áskoðari tveitir nakran lut inn á Tórsvøll. Tað kann fáa sera álvarsamar fylgjur fyri føroyskan fótbólt.
Dysturin millum Føroyar og Írland á Tórsvølli byrjar klokkan 19 í kvøld.
Tað ber til at hoyra prátið við Martin Berg, løgreglumann undir greinini her.
