Bert skattgjaldarar í Tórshavnar kommunu skulu koyra "ókeypis" við bussleiðini
Tað er beinleiðis ein tápulig skipan, vit hava í dag. Tað fyrsta, ferðafólk fáa stungið upp í nøsina, tá ið tey traðka á land her, er ein faldari við upplýsingum um ókeypis bussleið, sum m.a. gevur teimum rætt til ókeypis sightseeing túrar til Kirkjubøar. Hetta er ikki bara ein tápulig skipan, hon órógvar eisini taxavinnuna í stóran mun.
Hetta láturliga tilboð førir oftani tað við sær, at ferðafólk fylla bussarnar, so ikki er pláss fyri okkara egnu.
Um ferðafólk, og tey sum annars ikki eru skattgjaldarar í Tórshavnar kommunu, gjalda fyri at fara í bussin, koma pengar inn, og kann upphæddin verða flutt t.d. til barnagarðs- ella eldraøkið, sum vit dagliga hoyra manglar pengar. Ein millión munar, har hon manglar.
Birgar Johannessen
Valevni fyri Framsókn