Vaktleiðarin á løgreglustøðini í Havn letur væl at undanfarnu nátt, sum hann sigur var stak friðarlig hjá løgregluni.
- Eg haldi ikki, at nakað hevur verið á vási, sum hevur nakað serligt upp á seg. Okkurt smávegis klandur hevur verið, har fólk eru komin upp at toppast. Men, sum vit hava skilt, hevur alt lagað seg aftur.
Vaktleiðarin sigur, at sum er, veit hann ikki um nakað, ið líkist harðskapsmáli, men man veit jú ongantíð, hvussu verður, sum dagurin gongur.
- Tað kann jú altíð henda, at onkur vaknar í dag og heldur, at okkurt ikki hevur verið, sum tað eigur at vera, sigur vaktleiðarin.
