Fyrrverandi italski forsætisráðharrin, Silvio Berlusconi, fer at stuðla samgongustjórnina hjá Enrico Letta, hóast landsins grundlógardómstólur hevur havnað eini kæru frá Berlusconi um ein fallandi dóm fyri skattaundandrátt.
Berlusconi var í fjør dømdur fýra ára fongsulsrevsing, men síðani hava verjar hansara kært dómin fyri grundlógardómstólin, tí teir vildu vera við, at málið upprunaliga ikki var nóg væl frágingið í rættinum.
Óansæð, so varð Berlusconi saman við tíggju øðrum dømdur fyri svik við sjónvarpsrættindum, so talan tilsamans var um 1,8 milliard krónur í skatti, ið feløg hansara royndu at sleppa sær undan at gjalda.
Berlusconi hevur møguleika fyri at kæra dómin tvær ferðir, áðrenn honum nýtist at fara í fongsul, og nú hevur hann so ein kærumøguleika eftir.
Í italska tjóðartinginum er flokkur hansara, PDL, ein av sterkastu stuðlunum hjá stjórnini.
