Síðani Dimitar Berbatov tann 19. septembur skoraði eitt hattrick móti Liverpool, hevur framherjin úr Bulgaria ikki liva upp til keypsprísin upp á góðar 300 milliónir krónur. Tað gjørdi hann í dag.
Á Old Trafford fekk Manchester United vitjan av Blackburn, ið júst hevur fingið nýggjar eigarar. Sir Alex Ferguson og Manchester United vístu onga náði og trumlaðu Blackurn um koll við einum 7-1 sigri. Hóast Wayne Rooney byrjaði inni fyri fyrstu ferð frammanfyr sínum egnu viðhaldsfolkum síðani ?Rooneygate?, so var tað Dimitar Berbatov í fekk høvðusleiklutin. Við tveimum málum í fyrra hálvleiki og trimum í seinna var hann høvðusorsøkin til stórsigurin, ið tryggjar at Manchester United er nýtt oddalið í Premier League.
Arsenal vann torføra útidystin ímóti Aston Villa 4-2. Málini skoraðu Jack Wilshere, Marouane Chamakh, Samir Nasri og Andrei Arshavin. Manchester City misti sigurin í evstu løtu á útivølli ímóti Stoke. Micah Richards legði City á odda í 81. minutti, men í tíðini, ið dómarin hevði lagt afturat, javnaði Matthew Etherington.
Everton var fyri óvæntaðum stórtapi á heimavølli. Teir taptu 4-1 fyri West Bromwich.
Chelsea kann í morgin vinna oddasessin aftur, um teir vinna á Newcastle.
Premier League í dag:
Aston Villa ? Arsenal 2-4
Bolton ? Blackpool 2-2
Everton ? WBA 1-4
Fulham ? Birmingham 1-1
Manchester United ? Blackburn 7-1
Stoke ? Man City 1-1
West Ham ? Wigan 3-1
Wolves ? Sunderland 3-2
