Bendtner umhugsar framtíðina

Danski landsliðsframherjin í Arsenal, Nicklas Bendtner, sum í løtuni er útleigaður til Sunderland, skal eftir ætlan venda aftur til Arsenal í summar. Tað er tó ikki púra vist, tí nú sigur framherjin sjálvur, at tað er áhugi fyri honum frá øðrum feløgum, og við Ekstrablaðið sigur hann, at tað ikki er óhugsandi at skifta til russiskan fótbólt.