Um tú elskar Ben Stiller skalt tú síggja ?The Heartbreak Kid?. Hetta er kanska ikki tann besti filmurin sum hann hevur gjørt. Kortini er skemtifilmurin hjá brøðrunum Bobby og Peter Farrelly sera stuttligur, sum annaðhvørt fær teg at elska ella hata tann 42 ára gamla skemtarin.
Líkasum Jim Carrey, Adam Sandler og Jack Black er Ben Stiller eisini ein sovorðin skemtari, sum man annaðhvørt elskar ella ikki kann tola.
Og ?The Heartbreak Kid? er als ikki eina av teimum filminum sum broytir hatrið. Filmurin er uppbygdur av pínligum tilburðum.
Eddie sum er ?gjørdur? gamal drongur, hann hevur umsíðir gift seg við sínari ?dreymakvinnu?. Tá tey fara á brúdleypsferð sær hann, at hon er ein heilt annar persónur. Hon er púra ør í høvdinum, og als ikki tann persónurin sum Eddie helt hon var. Meðan tey eru á brúdleypsferð møtir Eddie eina gentu, ta veruligu dreymakvinnu hansara. Men tá hon so finnur útav at hann er giftur, vil hon ikki hava nakað við Eddie at gera.
Sum heild er hetta ein góður og stuttligur filmur.
