The Belfast Telegraph hevur bitið merkið í, at Lars Olsen sigur seg hava møguleikar í dystunum móti Finnlandi og serliga Norðurírlandi.
Les eisini: Lars Olsen við hava fleiri stig
Í greinini verður víst á, at meðan fólk í Norðurírlandi hugsaði um hvussu nógv stig teirra lið kann fáa móti Grikkalandi, Ungarn, Rumenia og Finnlandi, so hyggja føroyingar eftir Norðurírlandi.
Les eisini: Greinin í Belfast Telegraph (Á enskum)
Tað kemur heldur ikki av ongum, og víst verður til teir báðar 1-1 javnleikirnar, sum vit hava fingið móti júst Norðurírlandi í ávíkavist 1991 í Belfast og á Svangaskarði í 2010.
Eisini verður vist til, at Norðurírlandi tapti fyri bæði Aserbadjan og Luksemburg í farnu HM undankapping.
Hetta er eitt av evnunum, sum verður viðgjørt í Fótbóltspanelinum í dag klokkan 16. Spurningurin er so hvussu nógv stig kunnu Føroyar fáa í komandi EM undankapping. Hvat heldur tú? Luttak í kjakinum við at senda sms til 559999 ella skriva viðmekring undir greinina.
