Tað er nú greitt, at Beinta Dam verður nýggjur landsgrannskoðari Tað nú greitt, at tað verður Beinta Dam, sum verður nýggjur landsgrannskoðari.
Leivur Harryson segði seg herfyri frá sum landsgrannskoðari og nú hevur formansskapurin í Løgtinginum tilnevnt avloysaran og tað verður Beina Dam. Hon tekur við starvinum tann 1. januar. Beinta Dam er 47 ára gomul og úr Runavík, men hon býr í Havn. Hon er Cand Merc Aud, ella kanditatur í grannskoðan, sum tað oftast verður kallað nú á døgum. Hon hevur arbeitt hjá landsgrannskoðaranum seinastu 11 árini.
