Færøysk liv i nordisk perspektiv.
Soleiðis eitur bók, sum Fróðskapur hevur givið út og sum er heiðursrit til Beintu í Jákupsstovu, dr polit í sambandi við 60 ára føðingardag hennara 27. desember.
Tað eru átta greinar í bókini, sum Edit Bugge, Heine Bugge og Kristin Tornes hava ritstjórnað.
Í bókini verða evni viðgjørd, sum Beinta annaðhvørt arbeiðir við ella hevur serligan áhuga fyri: Kommunupolitikkur og politisk umboðan, hagtøl og vitanargrundarlag fyri politiskum avgerðum, vælferðarpolitikkur, kyn, familjupolitikkur og bókmentapolitikkur, sigur Fróðskapur í kvøld.
Beinta í Jákupsstovu er fyrstiamanuensis í stjórnmálafrøði við Høgskolen i Molde. Síðani 2008 hevur hon eisini verið knýtt at Søgu¬ og samfelagsdeildini á Fróðskaparsetri Føroya.
Í 2003 vardi hon doktararitgerð, sum Fróðskapur gav út í bók í 2006 við heitinum Kunnskap og Makt - Færøysk helsepolitikk gjennom 150 år.
Í bókini lýsir hon hugburðin í føroyskum heilsupolitikki frá fyrst í 19. øld og fram til heimastýristíðina.
Greinarnar í heiðursritinum eru á føroyskum, norskum og íslendskum og tær eru hesar:
Kari Skrede: Fruktbarhet og familiepolitikk hvor bærekraftig er den nordiske modellen?
Audun Offerdal: Representasjon og fråfall
Elin Súsanna Jacobsen: Kvinnulív í Havn uml. 1850
Firouz Gaini: Knívleysir menn. Samleiki og mentan hjá ungum føroyskum monnum
Eli Kjersem og Turid Aarset: Idealer, forestillinger og kunnskap om alderdom og boformer
Svavar Sigmundsson: Færeyingafélagið í Reykjavík
Malan Marnersdóttir: Bókmentir og samfelag
Kristin Tornes: Kunnskap og politikk
