Liðugt
1-0
91) 1-0
Føroyingar flyta nógv fólk fram, og tað kann bera ella bresta.
90) 1-0
Tríggir minuttir lagdir aftrat.
89) 1-0
Sallai avloysur Ugrai.
88) 1-0
Klæmint A. Olsen avloysir Odmar Færø.
86) 1-0
GULT KORT. Sera sannførandi René S. Joensen sær gult fyri eftirtakling.
81) 1-0
1-0: Dániel Bøde
Eftir horna úr høgru og retur frá Gunnari Nielsen verður bólturin settur í netið úr heilt stuttari fjarstøðu.
Hetta var øgiliga harmuligt. Sekundini undan málinum var um reppið, at Føroyar skoraðu, tá ið Ári Mohr Jónsson breyt ígjøgnum í vinstru. Tá ið hann legði flatt innfyri, var Sølvi Vatnhamar við nærra stólpa, men tað eydnaðist akkurát ikki at skora.
79) 0-0
Ungarn vinnur horna í vinstru. Tað verður lagt mitt innfyri málið, og tá ið tað verður stútað, er Gunnar Nielsen heilt út við stólpan og bjargar til nýtt horna, sum einki spyrst burturúr.
77) 0-0
Eftir fínt føroyskt álopsspæl í tríggjar minuttir vinnur Sølvi Vatnhamar hornaspark í vinstru. Bólturin endar hjá Kaj Leo í Bartalsstovu, sum sneiðir seg snilt leysan, áðrenn hann smekkar til við høgrabeini, og bólturin strýkur dygst omanfyri tvørtræið.
74) 0-0
Teir tríggir í miðverjuni eru sannir brandar. Teir vinna mest sum allar nærdystirnar í brotsteiginum - um tað so er á jørðini ella í luftini.
72) 0-0
Nú snýr tað seg bara um at verja málleysa javnleikin.
Kaj Leo í Bartalsstovu avloysir Gilla Rólantsson Sørensen.
70) 0-0
Rógvi Baldvinsson bjargar framúr væl út til innkast eftir langa diagonalsending.
69) 0-0
Hallur Hansson sær út til at vera fallin væl inn í leiklutin á miðvøllinum - bæði í tí verjukenda og meiri framrættaða.
65) 0-0
Hallur Hansson avloysir Fróða Benjaminsen, sum heilt tíðliga sá gult og harvið ivaleyst kennir seg darvaðan.
Dániel Nagy avloysir Ádám Nagy hjá Ungarn.
63) 0-0
Nú stendur á gomlum nøglum. Ungarn vinnur fleiri horna á rað, men verjan hórar undan. Odmar Færø er sannur brandur.
62) 0-0
GULT KORT. Rógvi Baldvinsson sær gult fyri at eftirtakla.
60) 0-0
Fínt langskot eitt sindur úr høgru, men Gunnar Nielsen tveitir seg og bjargar.
Hallur Hansson riggar seg til at verða skiftur inn.
59) 0-0
Nú er pressið stórt á føroyska liðið. Eftir framlegging úr høgru dansar bólturin frammanfyri málstrikuna og aftanfyri Gunnar Nielsen. Atli Gregersen ruddar burtur.
57) 0-0
GULT KORT. Gilli Rólantsson Sørensen sær gult, tí dómarin heldur, at hann gevur sær ov góðar stundir í sambandi við innkast heilt frammarlaga í vinstru. Gilli og hinir føroysku spælararnir duga illa at skilja, hví dómarin tók hesa avgerðina.
55) 0-0
Føroyska uppstillingin er mest átókt 5-4-1, og liðið hongur framvegis væl saman.
53) 0-0
René S. Jonesen lyftir fram til Jóan Símun Edmundsson, sum smekkar til av brotsteigarmarkinum, men bólturin fer dygst framvið málinum. Fín føroysk roynd.
51) 0-0
153 føroyingar eru millum áskoðararnar, og tað er ikki frítt, at teir hoyrast.
50) 0-0
Ungarn roynir fyrstu løtuna eftir steðgin at trýsta, og tað ber hornaspark í vinstru við sær, sum einki spyrst burturúr.
46) 0-0
Føroyar leggja ágangandi fyri, og eftir langt innkast úr vinstru, er støðan í eina løtu spent í brotsteiginum hjá heimaliðnum.
46) 0-0
Ungarn skiftir út í álopinum. Dániel Bøde avloysir Eppel.
HÁLVLEIKUR
0-0
Áskoðararnir geva til kennar, at teir eru ikki nøgdir við avrikið hjá heimaliðnum.
Føroyska liðið hevur staðið seg væl.
Fróði Benjaminsen tekur vinaliga niður á økslina á dómaranum og gevur ivaleyst til kennar, at hann ikki skilir, at fyrsta frísparkið, sum hann gjørdi, skuldi bera gult kort við sær.
45) 0-0
Ein minuttir lagdur aftrat.
45) 0-0
Einki spyrst burturúr ungverskum horna í høgru.
44) 0-0
Fínt føroyskt álop úr høgru og við Sølva Vatnhamar sum sentralum endar við gjøgnumbroti í vinstru, sum einki spyrst burturúr, og so gongur tað skjótt í hin endan, har tað endar við, at Jónas Tór Næs er um reppið at spæla mótstøðumann leysan. Men Odmar Færø bjargar støðuni.
42) 0-0
Áskoðararnir eru farnir at ótolnast, og tað er ikki frítt, at okkurt bríkslið hoyrist.
40) 0-0
Ungarn roynir seg nú við nógvum diagonalum sendingum. Heimaliðið vinnur horna í høgru, men einki spyrst burturúr.
37) 0-0
Føroyar eru heilt væl við. Nú var støðan spent í ungverska brotsteiginum, eftir fínt uppspæl í høgru og innkast frá Jónasi Tór Næs.
32) 0-0
Ungarn vinnur fríspark eitt sindur til vinstru og úr átjan metra fjarstøðu. Bólturin rakar á Gunnar Nielsen, sum boksar burtur.
31) 0-0
Ungarn vinnur horna í høgru. Tað endar við stútara, men bólturin fer omanfyri føroyska málið.
30) 0-0
Ungarn megnar ikki høgu leikferðina, sum so ofta hevur verið orsøk til, at pressið á føroyska málið hevur verið so stórt.
27) 0-0
Fínt føroyskt álop endar við horna í vinsrtu. Sølvi Vatnhamar ger seg kláran at skjóta. Tað endar við innkasti í høgru, sum Jónas Tór Næs tekur sær av, og so er Jóan Símun Edmundssn um reppið at skora.
25) 0-0
Í føroyska álopspartinum snýr tað seg oftast um at leggja fram í vinstru í vón um, at tað skal eydnast Gilla Rólantsson Sørensen at vinna luftdystin.
23) 0-0
Eftir fyrrapartin av fyrra hálvleiki er føroyska avrikið meiri enn góðkent.
18) 0-0
GULT KORT. Fróði Benjaminsen sær gult fyri fyrsta frísparkið í kvøld. Hetta kom illa við.
14) 0-0
Fín føroysk roynd: Gilli Rólantsson Sørensen temur hegnisliga á brotsteigarmarkinum, sneiðir tvær ferðir eitt vet til høgru og smekkar til. Talan er um fínt skot, og málverjin tveitir seg og bjargar.
11) 0-0
Føroyingarnir eru sera væl skipaðir í verjupartinum, og trýstið á føroyska málið hevur fyrstu løtuna ikki verið so stórt, sum tað ofta áður hevur verið fyrstu løtuna.
09) 0-0
Føroyingarnir royna at samanspæla, uttan at tað riggar so væl. René S. Joensen og Ári Mohr Jónsson tykjast vera komnir væl frá byrjan.
05) 0-0
Ungarn er framvegis mest sum alla tíðina á bóltinum, men Jóan Símun Edmundsson hevur einaferð bjóða av.
Eftir innlegg úr vinstru verður við høvdinum sent ímóti føroyska málinum, men bólturin fer við síðuna av málinum aftanfyri Gunnar Nielsen.
03) 0-0
Ungarn er støðugt á bóltinum, og fyrsta hornasparkinum fingu heimamenninir einki burturúr.
01) 0-0
Ungarn gevur bóltin upp.
00) 0-0
Líkindini at spæla eru góð í Budapest. Tað eru tólv hitastig, og tað er turt og yvirskýggjað.
Ungarn-Føroyar kl. 19.45
Dómarabólkurin er úr Ísrael: Roi Reinshreiber, Amihay Yehoshua Mozes, Dvir Shimon og Liran Liany.
Ungarn: Peter Gulasci - Attila Fiola, Richárd Guzmics, Tamás Kádár, János Scabó - Zoltán Stieber, Máté Pátkai, Ádám Nagy, Bálász Dzsudzsák - Roland Ugrai, Márton Eppel
Føroyar: Gunnar Nielsen – Odmar Færø, Atli Gregersen (Liðskipari), Rógvi Baldvinsson – Jónas T. Næs, Sølvi Vatnhamar, René S. Joensen, Fróði Benjaminsen, Gilli R. Sørensen, Ári M. Jónsson – Jóan Símun Edmundsson
