Og tað var eisini Beckham, sum gjørdist dagsins maður. Um miðjan fyrra hálvleik legði hann La Galaxy á odda, tá hann sendi eitt fríspark úr knøppum 25 metrum beinleiðis í málið. Í seinna hálvleik var Beckham arkitekturin handan 2-0 málið, tá hann við góðari sending spældi Landon Donovan púra leysan, og hesin sveik ikki álitið. 2-0 gjørdist eisini endaliga úrslitið í fyrsta dystinum, sum Beckham byrjaði fyri LA Galaxy.
