Bayern München hevur gjørt av at keypa Jerome Boateng frá Manchester City. Heimasíðan hjá týska felagnum skrivar, at samráðingarnar um at keypa Boateng hava verið drúgvar, men at tær loksins eru lidnar, og at nú er bara tann vanliga læknakanningin eftir.
Nevndarformaðurin í Bayern München, Karl-Heinz Rummenigge, sigur við heimasíðuna, at Boateng skal styrkja miðverjuna hjá Bundesliga-liðnum.
Jerome Boateng hevur bara verið eitt kappingarár í City.
