Skráin fyri Bátastevnuna í Vestmanna byrjaði longu í gjár, og hóskvøldið endaði við Syngið við-kvøldi við brøðrunum, Magnusi og Rasmusi Magnussen.
Dagurin í dag byrjar klokkan 16, tá spæliland verður við hoppiborgum, og klokkan 17 letur Grill Team upp matarsølu í stóra tjaldinum. Her verður eisini kaffisøla og søla av vaflum.
Klokkan 18 í kvøld verður barnatiltak við Bubu á stóra palli, og síðan verða fleiri tónleikaframførslur, sum enda við, at Dynamit fara á pallin í tímanum millum klokkan 01 og 02.
Í morgin verður ein rúgva á skránni í Vestmanna, og klokkan 14.30 verður siglingin av Fútakletti og inn á Vestmanna. Hetta er stóra løtan á Bátastevnuni.
Tá bátarnir hava lagt til bryggju, verður ókeypis suppa og annað gott til allar bátastevnugestir í stóra tjaldinum, og her verður eisini harmonikutónleikur.
Á Facebook-vanganum - Bátastevnan í Vestmanna - sæst skráin fyri alt tiltakið, og á síðuni eru eisini ymiskar dagføringar um tiltøk, sum longu hava verið og sum eru í skránni.
Birgir Waag Høgnesen, sum í sínari tíð var primusmotorur aftanfyri Bátastevnutiltakið í Vestmanna, hevur sent okkum nakrar myndir úr Vestmanna í morgun.
##med2##
##med3##
##med4##
##med5##
##med6##
##med7##
##med8##
