Við 473 av 480 møguligum stigum, er Lionel Messi greiðasti vinnarin í søguni hjá Gylta Bóltinum hjá France Football. Honum á baki komu Cristiano Ronaldo (233), Xavi (170), Andres Iniesta (149) og Samuel Eto’o (75). Sostatt spældu fýra av teimum fimm bestu við Barcelona, tá liðið í summar vann Champions League-finaluna móti Manchester United. Og so skuldi verið óneyðugt at nevnt, at tað var Lionel Messi, sum við høvdinum skoraði seinna málið í tí dystinum.
