Spanska stórfelagið FC Barcelona, sum fyri tveimum vikum síðani vann Champions League, kann aftur upplivast á donskum grasi í summar. Í fjør vitjaði felagið í Århus, og sambært upplýsingum av heimasíðuni hjá Barcelona, fer felagið aftur í ár eina ferð til Århus at fyrireika seg til nýggja kappingarárið. FC Barcelona skal ætlandi vitja í Århus frá 25. til 29. juli, og ivaleyst verður onkur dystur á skránni hesar dagar. Venjarin hjá Barcelona, Frank Rijkaard, var væl nøgdur við ferðina í Danmark í fjør, og hann segði tá, at felagið saktans kundi koma aftur til Danmarkar.
