Tríggir nýggir smittutilburðir vórðu staðfestir í gjár, týsdagin. Tað vísa nýggjastu tølini hjá Landslæknanum.
Øll trý eru partur av kendari smittuketu.
2.874 kanningar vórðu gjørdar seinasta samdøgrið, og allar kanningarnar eru liðugt greinaðar.
Bárður á Steig Nielsen, løgmaður, fegnast um, at tað ikki eru fleiri, ið hava fingið staðfest smittuna.
– Eg havi eina trúgv um, at vit aftur hesa ferð klára at fanga smittuna í røttu tíð og aftur kunnu liva meira frítt, segði løgmaður í tíðindunum í útvarpinum í áðni.
Tilsamans eru nú gjørdar 270.696 kanningar. 697 persónar hava fingið staðfest smittuna í Føroyum. 669 persónar eru nú staðfestir frískir aftur. Higartil er ein persónur deyður við koronu í Føroyum.
Í løtuni eru 27 persónar smittaðir, og 300 eru í sóttarhaldi.
