Hvønn morgun er hann fastur fúsur í Miðlahúsinum. Hann er einasta starvsfólk, sum er eldri enn arbeiðsplássið. Sunnudagin fyllir hann 90 ár.
Í dag var móttøka fyri Peturi Skeel Jacobsen í Miðlahúsinum. Hann fyllir 90 ár sunnudagin, og hann hevur seinastu 19 árini dagliga skrivað um veðrið í Sosialinum og greitt frá veðrinum í tíðindasendingunum á Rás2.
Les eisini: Føroya kendasti veðurmaður 90 ár
Í Miðlahúsinum eru vit sera errin av at hava Petur Skeel Jacobsen millum okkum, og vit vóna, at hann kann halda fram í mong ár framyvir.
Nógv fólk, vinir, familja og kenningar nýttu høvi at støkka inn á gólvið í Miðlahúsinum. Eisini Dagur og Vika var inni á gólvinum, og hugfarsliga innslagið í Degi og Viku í kvøld kann síggjast VIÐ AT TRÝSTA HER.
