Bara menn: Fyrsta slipsalandsstýri í 18 ár

Sjálvt um javnstøðulógin í sínari tíð elvdi til líka stórt politiskt kaos, sum lógir um samkynd gera í dag, so hava flestu flokkar á tingi góðtikið kravið um, at kvinnur eisini skulu vera virknar í politikki.

Síðani Jóannes Eidesgaard skipaði tað seinasta landsstýrið, sum bara hevði menn, vit kalla tað eitt »slipsalandsstýri«, so hevur eingin løgmaður hættað sær at gjørt honum tað eftir.

Jóannes Eidesagaard viðgekk tá, at hetta ikki var nóg gott, men umbar seg við, at flokkarnir sjálvir útpeika síni fólk, sum løgmaður tilnevnir í landsstýrið.

Vit hava ongantíð havt meiriluta av kvinnum í landsstýrinum, men tá Aksel V. Johannesen tilnevndi síni landsstýrisfólk í september 2015, var kynsbýti 50-50. Fýra menn og fýra kvinnur mannaðu landsstýrið.

Tá Bárður Nielsen tilnevndi síni landsstýrisfólk í september í 2019, var úrslitið munandi verri - sæð við javnstøðueygum, tí nú var kynsbýti 6-1 – bara ein kvinna var í landsstýrinum.

Og júst ta kvinnuna brúkti Fólkaflokkurin til at reka einasta kvinnuna hjá Fólkaflokkinum úr Løgtinginum mánadagin – og tað merkti samstundis, at nú eru vit aftur í teirri støðu, at bara menn manna landsstýrið, og at Bárður á Steig Nielsen stendur við somu skomm sum Jóannes Eidesgaard í 2004 við einum slipsalandsstýri.

So er spurningurin – um løgmaður megnar at stýra landsstýrinum millum skerini – um so Fólkaflokkurin fer at seta kvinnur aftur í landsstýri, ella hann setur menn.

Løgmaður hevur boðað frá, at Elsebeth Mercedis Gunnleygsdóttur verður ikki sett aftur í landsstýrið, og tað er lítið hugsandi, at Fólkaflokkurin fer at seta Anniku Olsen í landsstýrið, eftir at tey hava lagt so nógv fyri at fáa hana úr Løgtinginum.

Næsta kvinnan á listanum hjá Fólkaflokkinum til seinasta løgtingsval var Joan Samuelsen, sum var nummar 24 við 44 atkøvðum, Ingvør Justinussen sum nummar 25 við 35 atkøvøðum og aftast á listanum var Rigmor Rasmussen sum nummar 28 við 20 persónigum atkvøðum.

Tær, sum ikki koma upp á tal, eru kvinnur við sera nógvum politiskum royndum, meðan hinar tríggjar niðarlaga á listanum ongar politiskar royndar hava.

So er spurningurin, um Fólkaflokkurin kanska fer út um listan – og eitt nú leitar sær til Klaksvíkar, har Gunvá við Keldu kundi verið eitt boð upp á landsstýriskvinnu í almannamálum. Hon hevur royndir sum borgarstjóri og býráðslimur í mong ár.

Ella um Fólkaflokkurin tekur lættastu loysnina, sum Sambandsflokkurin og Miðflokkurin, og velur tveir slipsamenn í heitu sessirnar í Tinganesi.

Her sæst, hvørji fólk hava sitið í øllum landsstýrinum, sum hava sitið síðani tað fyrsta í 1948:

Føroya Landsstýri 14. september 2019 

1 kvinna:

Elsebeth Mercedis Gunnleygsdóttir

Føroya Landsstýri 15. september 2015 

4 kvinnur:

Rigmor Dam/Hanna Jensen (tók eftir at Rigmor Dam legði frá sær)

Eyðgunn Samuelsen

Kristina Háfoss

Sirið Stenberg

Føroya Landsstýri 14. november 2011 -15.september 2015 

2 kvinnur:

Annika Olsen

Rósa Samuelsen

Føroya Landsstýri 26. september 2008 - 14. november 2011

2 kvinnur:

Helena Dam á Neystabø, lstk. jv. - mentamál

Annika Olsen, lstk. ff. - innlendismál

Føroya Landsstýri 4. februar 2008 - 26. september 2008

3 kvinnur:

Helena Dam á Neystabø, lstk. jv. - løgmál

Kristina Háfoss, lstk. tj. - mentamál

- frá 30. august 2008: Óluva Klettskarð

Bjørt Samuelsen, lstk. tj. - vinnumál

Føroya Landsstýri 3. februar 2004 - 4. februar 2008

0 kvinnur

Føroya Landsstýri 6. juni 2002 - 3. februar 2004

1 kvinna:

Annlis Bjarkhamar

- frá 17. september 2003: Annita á Fríðriksmørk

Føroya Landsstýri 15. mai 1998 - 6. juni 2002

1 kvinna:

Helena Dam á Neystabø, lstm., sj. - almanna- og heilsumál

Føroya Landsstýri 11. juni 1996 - 15. mai 1998

0 kvinnur

Føroya Landsstýri 10. september 1994 – 11. juni 1996

0 kvinnur

Føroya Landsstýri 24. apríl 1993 - 10. sept. 1994

1 kvinna:

Marita Petersen, løgm., jv. - Uttanlandsmál og løgmál

Føroya Landsstýri 15. jan. 1991 - 24. apr. 1993

1 kvinna:

Marita Petersen, lstm., jv. - Mentanar-, skúla- og løgmál

Føroya Landsstýri 22. juni 1989 - 15. jan. 1991

1 kvinna:

Jóngerð Purkhús, lstm., tj. - Búskapar-, samferðslu-, og norðurlandamál

Føroya Landsstýri 18. jan. 1989 - 22. jun. 1989

0 kvinnur

Føroya Landsstýri 5. apr. 1988 - 18. jan. 1989

2 kvinnur:

Karolina Petersen, lstm., fr. - Almanna- og kommunumál

Jóngerð Purkhús, lstm., tj. - Fíggjar-, búskapar- og umhvørvismál

Føroya Landsstýri 10. jan. 1985 - 5. apr. 1988

1 kvinna:

Jóngerð Purkhús, lstm., tj. - Fíggjar-, búskapar- og umhvørvismál

Føroya Landsstýri 5. jan. 1981 - 10. jan. 1985

0 kvinnur

Føroya Landsstýri 23. jan. 1979 - 5. jan. 1981

0 kvinnur

Føroya Landsstýri 11. jan. 1975 - 23. jan. 1979

0 kvinnur

Føroya Landsstýri 12. des. 1970 - 11. jan. 1975

0 kvinnur

Føroya Landsstýri 19. nov. 1968 - 12. des. 1970

0 kvinnur

Føroya Landsstýri 12. jan. 1967 - 19. nov. 1968

0 kvinnur

Føroya Landsstýri 4. jan. 1963 - 12. jan. 1967

0 kvinnur

Føroya Landsstýri 9. jan 1959 - 4. jan. 1963

0 kvinnur

Føroya Landsstýri 18. des. 1954 - 9. jan. 1959

0 kvinnur

Føroya Landsstýri 15. des. 1950 - 18. des. 1954

0 kvinnur

Føroya Landsstýri 12. mai 1948 - 15. des. 1950

0 kvinnur

Kvinnur í landsstýrinum í tíðarrøð:

1. Jóngerð Purkhús, 1985

2. Karolina Petersen, 1988

3. Marita Petersen, 1991

4. Helena Dam á Neystabø, 1998

5. Annlis Bjarkhamar, 2002

6. Annita á Fríðriksmørk, 2003

7. Kristina Háfoss, 2008

8. Bjørt Samuelsen, 2008

9. Óluva Klettskarð, 2008

10. Annika Olsen, 2008

11. Rósa Samuelsen, 2011

12. Rigmor Dam, 2015

13. Eyðgunn Samuelsen, 2015

14. Sirið Stenberg, 2015

15. Hanna Jensen 2019

16. Elsebeth Mercedis Gunnleygsdóttur, 2019

Atkvøðubýtið á listanum hjá Fólkaflokkinum til seinasta løgtingsval 31. august í 2019 var hetta: