Er tín bilur bensin, diesel, el ella annað?
- Vit keyptu okkum el-bil í fjør.
Hvørjar royndir hevur tú av bilinum?
- Vit hava verið væl nøgd við keypið og hava bert góðar royndir at vísa á. Komforturin er frálíkur; bilurin er ljóðleysur, koyrir langt við hvørjari løðing og er bíligur í drift.
Tað sigur Gerda Bjarkadóttir Magnussen í Húsavík.
Hon vísir á, at umframt hetta, hon her hevur nevnt, er tað framúr at kunna løða bilin heima, og tá tørvur er á at løða aðrastaðni, er atkomiligheitin góð og tekur stutta tíð.
Hugsar tú um el-bil til næsta keyp?
- Ja, vit keypa heilt víst el-bil aftur, tá hesin skal skiftast út, sigur Gerda Bjarkadóttir Magnussen.
(Í seinasta VikuskiftisSosiali høvdu vit serblað um bilar)
