ST-aðalskrivarin, Ban Ki-moon, hevur fingið innbjóðing at koma til Íslands á almenna vitjan. Hann fekk innbjóðingina í gjár, tá hann hitti íslendska forsetan Ólaf Ragnar Grímsson á fundi í Abu Dhabi í gjár.
Teir báðir eru við á einum altjóða fundi um grøna orku.
Ólafur Ragnar Grímsson sigur við íslendskar fjølmiðlar, at ætlandi kunnu íslendsk vísindafólk, verkfrøðingar og teknikarar fáa orð á aðalskrivaran, um hann tekur av innbjóðingini.
Okkurt bendir á, at Ban Ki-moon hevur hug at fara til Íslands. Í hvussu er sigur skrivstovan hjá íslendska forsetanum, at aðalskrivarin vísti innbjóðingini stóran áhuga.
