Estland, Letland og Litava hava boða 10 sendifólkum frá, at tey eru óynskt í landinum, og at tey eru biðin um at fara.
Uttanríkisráðharrarnir í teimum trimum londunum hava boðað russisku sendistovunum, at tey 10 sendifólkini skulu fara úr londunum innan fáar dagar.
Í grundgevingunum verður sagt, at tey tíggju sendifólkini hava gjørt ymiskt, »sum ikki sampakkar við teirra diplomatisku støðu«.
Víðari verður sagt, at útvísingarboðini eisini skulu skiljast sum samhaldsfesti við Ukraina, sum í yvir tríggjar vikur hevur verið undir álopi av Russlandi.
Estland og Letland vísa trimum russarum út hvør, meðan Litava útvísir fýra.
Sambært uttanríkisráðharranum í Letlandi, Edgars Rinkevics, so er avgerðin um úsvingarnar eru samskipaðar av teimum trimum londini.
Tey trý baltisku londini vóru áður partur av Sovjetsamveldinum.
/ritzau/dpa
