Ballon d’Or: Lionel Messi fyri sjeyndu ferð

Í gjár var stóra Ballon d’Or tiltakið, sum franska fótbóltsmagasinið, France Football, skipar fyri. Vinnarin bleiv Lionel Messi úr í harðari kapping við Robert Lewandowski.

Lionel Messi fekk samanlagt 613 atkvøður, meðan Robert Lewandowski fekk 580. Hetta er sjeyndu ferð, at Lionel Messi vinnur heiðurin og tað er met. Lionel Messi skifti í summar frá FC Barcelona til Paris Saint Germain, men helst er størsta orsøkin til heiðurin, at hann gjørdi reint borð til Copa America, har hann sum liðskipari hjá Argentina vann kappingin, bleiv toppskjútti og kosin til besta spælara.

Í takkarrøðuni segði Lionel Messi, at hann metti at Robert Lewandowski skuldi fingið ein Ballon d’Or bólt fyri kappingarárið í fjør. Tá valdi France Football, at avlýsa tiktakið tí tað varð mett at allir spælarar høvdu ikki sama grundarlagt, tá eitt nú kappingini í Fraklandi bleiv stegðað í úrtíð vegna korona. Altjóða fótbóltsmagasinið FourFourTwo (442) valdi at hava eina atkvøðugreiðslu og her vann áleyparin úr Póllandi, sum spælir við Bayern Munchen.

Aftaná teimum kom italski miðvallarin úr Chelsea, Jorginho, við 480 atkvøðum, franski ályeparin hjá Real Madrid Karim Benzema. Á fimta plássið var tað altíð so væl lýddi N’Golo Kanté úr Fraklandi.