Myndugleikarnir í Indonesia siga, at maðurin, sum legði bumbuatsóknina á indonesisku frítíðaroynni Bali til rættis í 2002, hevur latið lív í einum átaki hjá løgregluni.
Indonesisku myndugleikarnir hava leitað leingi eftir manninum, sum æt Dulmatin, og sum var ein av leiðarunum í yvirgangsfelagsskapinum Jemaah Islamiyah.
USA hevði lovað 10 milliónir dollarar í finningarløn, um onkur vildi avdúka, hvar hann fjaldi seg.
202 fólk doyðu í bumbuatsóknini á Bali. Teirra millum vóru tríggir danir.
