Í tíðindaskrivi boðar keypsskálin í Oslo frá, at Bakkafrost nú fær pláss í OBX indeksinum. OBX indeksið er samansett av teimum 25 virðisbrøvunum, sum eru oftast keypt og seld seinastu seks mánaðirnar.
Eftir seinastu dagføringina hevur Bakkafrost fingið pláss á listanum, saman við Schibsted og Avance Gas. Tey trý feløgini, sum detta úr indeksinum eru Royal Carribean Cruises, Aker Solutions og Fred. Olsen Energy.
Í OBX-indeksinum kunnu harumframt handlast futures og obsjónir.
