Bæði føroyingaliðini í bestu íslendsku hondbóltsdeildini vunnu

Tað gjørdist talan um ein góðan dag í bestu íslendsku hondbóltsdeildini hjá kvinnum í dag. 

Úti á Heimey vunnu Ingibjørg Olsen og liðfelagarnir stórsigur 31-20 á HK. Avrikið í fyrra hálvleiki var framúr, og í steðginum var heimaliðið á odda 16-7.

Ingibjørg skoraði eitt mál fyri ÍBV í dag.

Natasja Hammer og Haukar vunnu á útivølli ein góðan 36-33 sigur á Selfossi. Í fyrra hálvleiki gekk minni væl, og í steðginum var Selfoss á odda 19-15. Í seinna hálvleiki megnaði Haukar at koppa dystin teirra veg, og var seinni hálvleikur vunnin 21-14.

Natasja skoraði eitt mál fyri Haukar í dag.

ÍBV og Haukar spæla ikki fleiri dystir í hesum árinum. Næsta umfar verður fyrst í januar. Tá spælir ÍBV móti Vali á útivølli 7. januar, og sama dag tekur Haukar ímóti Fram á heimavølli.

Støðan: