Føroyar gjørdu so at siga slætt borð í liðkappingini í badminton í dag.
Einasti tapti dystur var ein tepur av slagnum ímóti fyrsta mótstøðuliðnum, Hetlandi í tvímansleiki hjá monnum.
Kortini vann Føroyar 4-1 áðrenn Ynis Mon og Gibraltar bæði máttu llúta 5-0 fyri føroyingunum.
Føroyar vann tí bólkin púra greitt og eru nú í hálvfinaluni í liðkappingini, har Guernsey, gullvinnararnir frá seinastu oyggjaleikum, standa fyri.
Serliga vóru føroysku badmintonfólkini glað fyri at tað skuldi roynast so væl við fýra leikarum, ið eru á oyggjaleikum fyri fyrstu ferð.
Bjørg Djurhuus, fjeppari og mamma Rannvá Djurhuus Carlsson á landsliðnum, boðar frá, at fjeppparar hittast áðrenn dystin í høllini at hita upp til hálvfinaluna, ið verður leikt klokkan 8.00 føroyska tíð.
