Tað gekk illa hjá FC Suðuroy, tá ið suðuroyingarnir í dag royndu at vinna sær stig og harvið at nærkast plássunum, sum bera uppflyting úr næstbestu og í bestu deildina.
B71 hevur alt ár verið aftast, men í dag vóru tað sandoyingarnir, sum vóru omaná. Teir vunnu 2-1, og sigurin ber við sær, at B71 nú er omanfyri niðurflytingar strikuna.
Venjarin, Allan Mørkøre, hevði sett seg sjálvan á liðið, nú teir stríðast fyri at sleppa undan niðurflytingini. Einki mál varð skorað undan steðginum, og tá ið Jón Krosslá Poulsen í fyrsta minutti eftir steðgin legði FC Suðuroy framum kundi tað sæð út til, at tað fór at myndast soleiðis, sum tað frammanundan varð roknað við.
Men B71 svaraði orduliga aftur. Jónberg á Mýrini javnaði til 1-1, tá ið tað restaðu tólv minuttir, og tríggjar minuttir undan leikloki skoraði Dan í Soylu sigursmálið.
EB/Streymur, sum fríggjakvøldið tapti 3-2 á heimavølli ímóti B36, er næstniðast, og TB er niðast. Í gjár tapti TB 2-1 í Leirvík.
Einasta liðið, sum í løtuni er á uppflytingarplássi er B68. Toftamenn taptu í gjár 2-1 ímóti suverena toppliðnum, sum er HB. Skála flutti seg ikki nevnivert nærri møguleikanum at flyta upp, tá ið dysturin millum Skála og KÍ í Klaksvík endaði 2-2.
KÍ-Skála 2-2 (1-0)
1-0: Jens Pauli Mohr 6.
1-1: sjálvmál 49.
1-2: Hendrik á Fríðriksmørk 52.
2-2: Henry Heinesen 90.
Víkingur-TB 2-1 (1-0)
1-0: Per Gregersen 39.
1-1: Einar Petersen 64.
2-1: Per Gregersen 75.
Reytt kort: Sámal Jákup Joensen, Víkingur, 63. (2 gul) og Hanus Mortensen, TB, 81. (beinleiðis reytt)
EB/Streymur-B36 2-3 (2-1)
1-0: Hanus Olsen 4.
2-0: Hans Ejdesgaard 15.
2-1: Tóki á Lofti br 34.
2-2: Stefan í Skorini 51.
2-3: Tóki á Lofti 75.
HB-B68 2-1 (1-1)
1-0: Dávid R. Nolsøe 19.
1-1: Hákun Edmundsson 24.
2-1: Pál Mohr Joensen 85.
B71-FC Suðuroy 2-1 (0-0)
0-1: Jón Krosslá Poulsen 46.
1-1: Jónberg á Mýrini 78.
2-1: Dan í Soylu 87.
hagtøl: www.faroesoccer.com
Støðan eftir 15 umfør
HB 33
B68 29
B36 24
KÍ 23
Víkingur 22
Skála 21
FC Suðuroy 20
B71 14
EB/Streymur 13
TB 13
Kæra frá FC Suðuroy um, at KÍ nýtti ólógligan spælara, tá ið KÍ á heimavølli vann 4-1 á FC Suðuroy. Tað er sannlíkt, at FC Suðuroy fer at vinna kæruna og harvið trý stig, men tey eru ikki roknað við í uppgerðina, og KÍ hevur heldur ikki mist stigini.
16. umfar
Leygardagin 22. juni
TB-HB
Skála-B71
B36-Víkingur
FC Suðuroy-EB/Streymur
B68-KÍ
