Sunnudagin varð fjórðingsfinalan í kappingini um løgmanssteypið millum B68 og ÍF útsett. Tað hevur ljóðað, at oyggjauppgerðin á Svangaskarði var ásett at vera mikudagin 7. mai. Hetta er nú broytt. Í staðin verður fjórðingsfinalan mikudagin 14. mai.
Mánakvøldið varð drigið um, hvør skal spæla ímóti hvørjum í hálvfinaluni. Tá varð greitt, at vinnarin av B68-ÍF skal spæla ímóti HB, og at fyrri dysturin verður á Toftum ella í Fuglafirði. Hálvfinalurnar eru ásettar at vera 21. mai og 18. juni. Í hinari hálvfinaluni hittast Víkingur og EB/Streymur. Fyrri dysturin teirra millum verður í Gøtu.
