##med2##
B36 er bert eitt stig frá oddinum í Betrideildini aftaná týðandi 2-1 sigurin á Víkingi á ovara vølli í Gundadali í dýrdarveðrinum á ólavsøku.
Í steðginum var støðan javnleikur 1-1. Tá 43 minuttir vóru farnir fekk Árni Frederiksberg sent eitt fríspark frá 30 metrum beinleiðis í málið. Fáar minuttir seinni javnaði Hanus Jacobsen fyri Víking. Sigursmálið hjá B36 skoraði Alex Mellemgaard í 74. minutti. Uppleggið átti Árni Frederiksberg við einum væl tiknum frísparki.
Á ljóðfíluni omanfyri ber til at hoyra frá FM1:
1) Hoyr frásøgumannin hjá FM1 siga frá teimum trimum málunum. Heðin Askham var viðmerkjari.
2) Hoyr samrøðuna Tróndur Arge gjørdi við Árni Frederiksberg, ið átti eitt mál og eitt upplegg hjá B36. Fyri Árna og liðfelagarnar hevði tað sera stóran týdning at kunna knógva Víkingi.
3) Hoyr samrøðuna Tróndur Arge gjørdi við høvuðsvenjaran hjá Víkingi, Sámal Erik "Bagga" Hentze. Bagge staðfestir eitt afturstig við tapinum í kvøld, men hann slær fast, at Vìkingur er har sum tað er stuttligt at verða, og hvør dystur framyvir hevur stóran týdning.
