Leygardagin varð seinna finaluumfarið í yngstu gentudeildini, pinkum, spælt í Gøtu. Í hesi deild spæla gentur, sum eru upp til 10 ára aldur.
Hóast hetta er tíðliga at byrja at kappast um gull og FM, so verður á hvørjum ári hildin ein kapping fyri hesar gentur, og áhugin er stórur.
Í ár var kappingin sera tøtt, og trý lið lógu fram við til tað seinasta at vinna FM-heitið. Eftir fyrra finaluumfarið, sum var í Havn, lá GÍ fremst, men bæði B36 og KÍ vóru beint í hølunum.
Stórur spenningur
Talan var um eisini sera tætta kapping í seinna finaluumfarinum. Áðrenn tað varð farið undir teir báðar síðstu dystirnar, var møguleiki fyri, at GÍ, KÍ og B36 kundu vinna FM.
GÍ og KÍ spældu í síðsta umfarinum ímóti hvørjum øðrum. Undan dystinum var greitt, at vinnarin av hesum dystinum fór at vinna FM. Dysturin endaði 1-1, og tá ið B36 so vann 2-0 á VB/Sumba, vóru tað tær úr B36, sum struku við gullinum.
GÍ og KÍ endaðu eitt stig aftanfyri B36. Málmunurin var tann sami, og í endaligu støðuni hevur KÍ skorað fleiri mál enn GÍ. Men GÍ vann silvur og KÍ bronsu. Tað komst av, at GÍ var betri í innanhýsis uppgerðunum. Leygardagin var úrslitið í Gøtu 1-1, men í Gundadali vann GÍ 3-2 ímóti KÍ.
Pinkur
Fyrra finaluumfar í Havn:
B36-KÍ 0-0
GÍ-VB/Sumba 0-2
GÍ-B36 0-0
VB/Sumba-KÍ 0-1
B36-VB/Sumba 2-0
KÍ-GÍ 2-3
Seinna finaluumfar í Gøtu:
KÍ-B36 1-1
GÍ-VB/Sumba 2-0
KÍ-VB/Sumba 2-1
GÍ-B36 0-0
KÍ-GÍ 1-1
B36-VB/Sumba 2-0
Pinkur - endaliga støða
1. B36 6 2-4-0 4-1 10
2. GÍ 6 2-3-1 6-5 9
3. KÍ 6 2-3-1 7-6 9
4. VB/S 6 1-0-5 3-8 3
