Eftir úrslitini í U18 deildini í gjárkvøldið, manglar nú ófatuliga lítið í hjá B36, áðrenn felagið fyri fyrstu ferð síðani 1972 kann kalla seg fyri føroyameistara í unglingadeildini. B36 vann í gjárkvøldið 2-1 móti KÍ, og manglar nú bara tvey stig til at tryggja sær FM-heitið.
Tvey umfør eru eftir at leika í deildini, og tí tykist ógvuliga sannlíkt at B36 í teimum báðum seinastu dystunum skal tryggja sær tey bæði stigini, ið eru neyðug, áðrenn felagið kann kalla seg fyri FM-vinnara í U18 deildini fyri fyrstu ferð síðani 1972.
Feløgini, ið B36 kappast við um FM-heitið í deildini eru NSÍ og HB, ið bæði liggja jøvn í stigum. Í gjárkvøldið var tað bara HB, ið spældi av teimum báðum liðunum, tá HB spældi útidyst á Eiði móti EB/Streymi. Tann dystin eydnaðist tað HB at vinna 5-2, hóast teir í hálvleikinum vóru aftanfyri 2-0.
Tey bæði seinastu umførini í U18 deildini síggja soleiðis út:
Mánadagur 09-10-2017:
Víkingur-EB/Streymur
HB-B36
KÍ-NSÍ
Mánadagur 16-10-2017:
NSÍ-HB
B36-Víkingur
EB/Streymur-AB
Stigatalvan í U18 deildini:
1. B36 – 10 dystir – 26 stig
2. NSÍ – 10 dystir – 21 stig (Málmun +19)
3. HB – 10 dystir – 21 stig (Málmun +15)
4. Víkingur – 9 dystir – 9 stig
5. EB/Streymur – 10 dystir – 7 stig (Málmun -17)
6. AB – 10 dystir – 7 stig (Málmun -21)
7. KÍ – 11 dystir – 6 stig
