Tað er framvegis stórur spenningur og undirhald í steypafinaluni í Gundadali.
Góðar tíggju minuttir undan leikloki hevur B36 minkað um munin, so hann nú er 3-2 til EB/Streym.
Málskjútti var Karoly Potemkin, sum varð spældur leysur eitt sindur til vinstru og sneiddi framvið málverjanum, áðrenn hann bankaði bóltin upp í nettakið.
Beinanvegin eftir 3-2 málið spenti B36 álopsbogan við skifting.
Á vøllin varð settur framrættaði Róaldur Jacobsen, sum varð settur á vøllin fyri Ásbjørn V. Gunnarsson.
Seks minuttir fyri leiklok hevur EB/Streymur setti Fróða Clementsen á miðvøllin í staðin fyri Brian Olsen. Sorin Anghel er fluttur aftur á vøllin soleiðis, at hann mest sum er triði miðverjin hjá EB/Streymi.
