Prísurin er slakar 20 mia. krónur, og hetta er størsta keyp, sum Hydro hevur gjørt.
Norsk Hydro hevur leingi havt ætlanir um at keypa seg inn í tann almenna partin av norsku oljuvinnuni. At felagið nú hevur keypt týsku aluminiumsfyritøkuna verður tikið sum ein ábending um, at felagið hevur slept teirri fyrru ætlanini.
Aðalstjórin í Norsk Hydro, Eivind Reiten, sigur, at tað nýggja keypið er skilagott og lønandi. Við keypinum er Norsk Hydro størsta aluminiumsfyritøkan í Evropa og ein av teimum størstu í heiminum.
