Bókaútgáva
Føroya Skúlabókagrunnur
Søgan er um tey bæði Áslu og Jón, ið fara oman í fjøruna at spæla. Hetta er ein góðan summardag. Niðri í fjøruni uppliva tey so mangt. Nógv er at síggja. Flogkykt og skriðkykt. Okkurt svimur úti á fjørðinum nær landi. Hvat man tað vera?
Sum vera man, fara tey eisini at vassa.
Onnur børn eru eisini í fjøruni. Ein drongur er farin at svimja og er komin nakað langt úr landi. Dugir ikki nóg væl at svimja og er komin í neyð. Tíbetur er pápi Áslu komin oman á bakkan at hyggja eftir dóttrini. Hann hoyrir neyðarróp og loypur útí at bjarga dreinginum. Alt spælir væl av.
"Børnini í fjøruni" er ein Snípubók. Føroya Skúlabókagrunnur og Bókadeild Føroya Lærarafelags samstarva um útgávuna av Snípubókunum. Snípurnar eru lættlesibøkur. Henda bókin er gul við trimum fjaðrum og er ætlað børnum í 2. og 3. flokki.
"Børnini í fjøruni" er 28 blaðsíður við myndum. Olivur við Neyst teknaði myndirnar og permuna í litum. Hestprent hevur prentað. Bókin kostar 36,- kr.
