Fýra systkin brunnu inni, tá eldur kom í eini hús í Lancashire í Onglandi í gjárkvøldið. Tað yngsta av børnunum var tvey ára gamalt, og tað elsta var 19. Mamman var eisini í húsunum, men hon slapp út og fekk sambært blaðnum The Guardian ongan skaða.
Løgreglan sigur, at tað eydnaðist at fáa børnini úr húsunum, og hóast tey fóru beinleiðis í sjúkrabilar, vóru tey deyð, tá tey komu á sjúkrahúsið. Talan var um ein 19 ára gamlan drong, tvær fýra ára gamlar gentur, sum vóru tvíburar (myndin), og ein tvey ára gamlan drong.
Løgreglan kannar nú, hví eldur kom í húsini.
