Norska oljufelagið Statoil hevur gjørt av at taka fólkið av einum oljupalli í Norðsjónum, sum hevur fingið slagsíðu. Talan er um bústaðarpallin Superior, sum hýsir teimum 374, sum arbeiða á pallinum Njord.
Avgerðin at taka fólkið av pallinum bleiv tikin, tá tað vísti seg, at sjógvur kom í ein barlasttanga.
Norskir fjølmiðlar skriva, at seks tyrlur flyra fólk av pallinum, og at ferðin til lands tekur einar 40 minuttir.
