Lutakast var til bólkaspælið í EM-endaspælinum sunnudagin. Vanliga plaga viðmerkjarar at peika á ein bólk sum sanna krúttunnu, og hesin var ikki torførur at síggja sunnudagin.
Frakland, Italia og Holland endaðu nevnliga øll bólki C, har Rumenia eisini telist millum liðini. Og tað fekk ilt í franska landsliðsvenjaran, Raymond Domenech. Frakland og Italia vóru í sama undankappingarbólki, og tá talan er um bæði heims- og varaheimsmeistarar helt franski venjarin, at liðini ikki áttu at verið í sama bólki.
Hinvegin vóru sviar væl nøgdir um sítt lutakast. Teir fingu eisini Spania, sum teir vóru í undankappingarbólki saman við, men við Grikkalandi og Russlandi afturat munnu sviar halda, at teir hóast alt hav møguleika at koma livandi úr bólkaspælinum.
Fakta
EM-bólkarnir
Bólkur A
Sveis
Kekkia
Portugal
Turkaland
Bólkur B
Eysturríki
Kroatia
Týskland
Pólland
Bólkur C
Holland
Italia
Rumenia
Frakland
Bólkur D
Grikkaland
Svøríki
Spania
Russland
