Báðir partar framdu krígsbrotsverk

Amnesty International vil vera við, at bæði Ísrael og Hizbollah framdu krígs­brotsverk undir krígnum í summar.
AI hevur fyrr sagt, at ísraelski herurin breyt fólka­rættin, tá hann skip­aði fyri álopum, sum eftir øllum at døma vóru vend ímóti sivilum mál­um í Libanon. Nú sigur felagsskapurin, at Hiz­bollah royndi eis­ini at raka sivilmál, tá felagsskapurin sendi rakettir eftir ís­ra­elskum býum. Tað er greitt brot á altóða reglur um krígsførslu, sigur Am­nesty International og leggur afturat, at tey hørðu ísraelsku álopini rætt­vísgera á ongan hátt brotini hjá Hizbollah.
Undir krígnum, sum vardi umleið ein mán­að, sendi Hizbollah næst­an 4.000 rakettir eftir mál­um í Ísrael. 43 sivil­fólk doyðu, og 33 vórði illa særd. Amnesty Inter­natio­nal vísir á, at fleiri hundrað­túsund ísraelsmenn flýddu ella fjaldu seg í bumbu­skýlum, og at talið á deyðum hevði verið mun­andi størri, um tey ikki flýddu ella fjaldu seg.