Kirkjuleiðarar í Nepal hava í nógv ár roynt at fingið bíbliufelagið góðkent alment, samstundis sum tey hava livað undir hóttanini um forfylging og atsóknir frá myndugleikunum. Við hesi góðkenningini kann bíbliufelagið nú søkja um limaskap í tí Sameinda Bíbliufelagnum, sum er ein felagsskapur við 145 limum. Nepalska bíbliufelagið hevur annars nógv jørn í eldinum, og ætlar at geva út eina nýggja bíbliu, eitt ljóð-testamenti og bíbliur fyri sjónveik.
