Byggifyritøkan Búsetur og Vodafone hava í vetur gjørt ein sínámillum sáttmála um bygging á einum grundøki í Havn, sum Búsetur eigur.
Grundøkið liggur beint við vegamótið, sum førir út á Norðasta Horn.
- Avtalan er, at vit skulu byggja ein bygning á hesum grundøki, og so skal Vodafone leiga meginpartin av bygninginum til sítt virksemi.
Hallur F. Hansen, arbeiðsformaður hjá Búsetur, sigur, at tá bygningurin er liðugur, flytur skrivstovuvirksemið hjá Búsetur eisini út hagar.
- Verkætlanin er púra klár, og í løtuni verður bara bíðað eftir byggiloyvi frá Tórshavnar kommunu, sigur Hallur F. Hansen.
