Í Tórshavnar kommunu hevur tað verið frítt skúlaval í nógv ár. Tað merkir, at foreldur hava kunnað skrivað børnini inn í tann skúlan, tey vildu. Men nú er tað fría skúlavalið avtikið, tí Tórshavnar Býráð boðar frá, at nú verður kommunan býtt sundur í seks skúlaøki.
Orsøkin til tað er, er í fjør vórðu nógv fleiri børn skrivað inn í nýggja, stásiliga Skúlan á Fløtum, enn tað var pláss fyri. Tí eru upptøkureglurnar nú broyttar fyri ikki at renna seg í somu støðu aftur.
Eftir nýggju reglunum, hava skúlarnir í Tórshavnar kommunu nú hvør sítt upptøkuøki. Hetta ber í sær, at er pláss ikki fyri øllum børnunum, sum búgva í upptøkuøkinum hjá einum skúla, er verða tey flutt í skúla í grannaøkinum.
Men upptøkuøkini kunnu verða broytt frá ári til ár, tí tey laga seg eftir talinum á børnum í økjunum. Men upptøkuøkini fyri teir smærri skúlarnar liggja føst og her verður hugsað um skúlan í Kollafjørði, í Kaldbak, á Velbastað og í Nólsoy. Bara tey, sum búgva í hesum økjunum, kunnu skrivast inn í skúlarnar, sum hoyra til økini:
Skílin á Velbastað er til børn í Kirkjubø og á Velbastað
Skúlin í Kaldbaker til børn í Kaldbak og í Kaldbaksbotni
Skúlin í Nólsoy er til børn í Nólsoy
Skúlin í Kollafjørði er til børn í Kollafjørði, í Signabø og á Oyrareingjum
Á kortinum niðanfyri fæst ein hóming av upptøkuøkjunum til teir ymsu skúlarnar í Havn, í Hoyvík og á Argjum.
##med2##