Føroya rættur er nú liðugur við allar avhoyringarnar í stóra rúsevnismálinum.
Trý av teimum ákærdu vórðu avhoyrd í gjár. Tveir noktaðu at siga nakað.
Í morgun hevur rætturin hoyrt frágreiðingarnar hjá tvemum starvsfólkum í varðhaldinum og frá einum politisti.
Ákæruvaldið vónaði at kunna enda málið í dag, men so varð ikki. Dómurin fellur í fyrsta lagi seinnapartin í morgin.
