Hósdagin og fríggjanáttina fara brúgvaløg yvir Føroyum av útsynningi og eitt skifti verður mildari veður. Síðani streymar aftur kaldari luft móti Føroyum.
Hósdagin øtlar hann vindin upp í gul til stívt andøvsgul av landsynningi, 5 til 10 m/s og út á dagin upp í stívt andøvsgul upp í hvassan vind, 10 til 15 m/s. Turt og sólglottar, men út á dagin skýggjað og kavi ella vátaslettingur, seinni regn av útsynningi. Hitin millum frostmarkið og 5 hitastig. Fríggjanáttina stívt andøvsgul upp í hvassan vind av landsynningi, sum snarar í ein sunnan, 10 til 15 m/s, skýggjað og regn og hitin millum 5 og 7 stig.
Fríggjadagin verður andøvsgul upp í ein strúk, í støðum upp í hvassan vind av suðri og útsynningi, 8 til 15 m/s. Fyrst regn, seinni klárar í, tó verður enn okkurt ælið og hitin millum 2 og 5 stig. Um náttina makar hann vindin og tað verður andøvsgul upp í ein strúk av suðri og útsynningi, 8 til 13 m/s. Samdrigið og okkurt regn-, vátaslettings- ella kavaælið og hitin millum frostmarkið og 5 stig.
Leygardagin verður stívt andøvsgul upp í hvassan vind av útsynningi, sum snarar í ein landsynning, 5 til 10 m/s og um náttina verður andøvsgul upp í ein strúk, 8 til 13 m/s. Alt døgnið verður samdrigið og okkurt ælið og hitin millum 2 og 5 stig.
Sunnudagin verður stívt andøvsgul upp í hvassan vind av eystri og landnyrðingi, 10 til 15 m/s, um náttina strúkur í vindi upp í skrið av landnyrðingi, 13 til 18 m/s. Alt døgnið verður samdrigið og okkurt ælið og hitin millum 2 og 6 stig.
Mánadagin verður strúkur í vindi upp í skrið av landnyrðingi, 13 til 18 m/s, sum um náttina makar niður í stívt andøvsgul upp í hvassan vind, 10 til 15 m/s. Alt døgnið verður samdrigið og ælaveður, sum frá líður vátaslettingur ella kavi. Hitin um dagin millum 2 og 5 stig, um náttina millum frostmarkið og 4 stig.
Týsdagin verður stívt andøvsgul upp í hvassan vind av norðri og landnyrðingi, 10 til 15 m/s. Hitin um dagin verður millum 1 kuldastig og 2 hitastig. Um náttina makar hann vindin niður í gul til stívt andøvsgul av norðri, 5 til 10 m/s, og hitin millum 1 og 5 stig. Alt døgnið verður samdrigið og vátaslettingur ella kavi.
