Føroyar hava ongantíð vunnið á mótstøðuliðunum, sum bíða í EM-undankappingardystunum hósdagin og sunnudagin.
- Í dag, hósdagin klokkan 17.30, møta okkara kvinnur hondbóltsrisanum Svøríki. Føroyar hava spælt tvær ferðir móti Svøríki áður. Tað var í EM-undankappingini til EM 2020, og tá gjørdist talan um tvey stórtap. Kringvarpið vísir dystin í dag í sjónvarpinum, skrivar Hondbóltssambandið.
Sunnudagin klokkan 15.00, í Høllini á Hálsi, møta Føroyar Íslandi. Ísland vann í gjár fyrsta dystin í bólkaspælinum 32-14 á heimavølli móti Luksemborg. Føroyar hava møtt Íslandi fimm ferðir áður, men hava ongantíð vunnið.
Ísland var á vitjan í Føroyum í 2022, tá tveir venjingardystir vóru spældir. Ísland vann báðar dystirnar við fimm málum. Ísland vann seg ikki í seinasta EM-endaspælið.
Ein útskifting er í kvinnulandsliðshópinum. Rakul Wardum hevur fingið ein lítlan snudd og verður hon tískil ikki við í Svøríki. Hon verður tó møguliga við til heimadystin móti Íslandi.
Landsliðsvenjararnir hava í hennara stað úttikið Silju Arngrímsdóttir Müller úr Neistanum. Silja er 19-ára gomul og hevur nógvar ungdómslandsdystir í skjáttuni, men er hetta hennara fyrsti A-landsdystur. Silja var ein av eyðsýndu spælarunum á U19-landsliðnum, sum stóðu seg væl í EHF Championship í summar.
Málverjar:
Annika Fríðheim Petersen, Follo HK (NOR)
Silja Arngrímsdóttir Müller, Neistanum
Vengur:
Rannvá Olsen, VÍF
Turið Arge Samuelsen, Kyndil
Guðrið á Borg, H71
Brynhild Pálsdóttir, Ajax København (DEN)
Lív S. Poulsen, TMS Ringsted (DEN)
Strikur:
Brynja Høj, Neistin
Bjarta Osberg Johansen, Kyndil
Pernille Brandenborg, København Håndbold (DEN)
Bakkar:
Bjørk Franksdóttir Joensen, Neistin
Elsa Egholm, H71
Maria Pálsdóttir Nolsøe, Neistin
Súna Krossteig Hansen, Ajax København (DEN)
Jana Mittún, Viborg HK (DEN)
Natasja Hammer, StÍF
