Poppstjørnan Aura Dione, sum hevur føroysk ættarbond, er á tónatindum í Týsklandi, sum er størsti tónleikamarknaður í Europa.
Songkvinnan Aura Dione hevur í hesum døgum stórt hitt við sanginum Geronimo. Sangurin er so væl umtóktur í Týsklandi, at Aura hevur yvirhálað mætar stjørnur sum Rihanna, Taio Cruz og Maroon 5 á hitlistum har. Hesa vikuna er sangurin Geronimo ovast á almenna týska singlelistanum.
Auro Dione er búsitandi í Danmark, uppvaksin á Bornholm, og verður søgd at verða donsk songkvinna, men hon hevur eisini ættarbond úr Føroyum. Hon er fjórðings føroyingur, og hevur annars familju úr Fraklandi, Danmark og Spania.
