Ein dómstólur í Myanmar hevur dømt andstøðuleiðaran, Aung San Suu Kyi, húsavarðhald í 18 mÁnaðir. Ein embætismaður sigur, at Aung San Suu Kyi er revsað fyri at hava brotið landsins lógir við at loyva einum amerikonskum manni at vitja seg, hóast hon var í húsavarðhaldi.
Politiskir eygleiðarar siga, at grundgevingin er meiningsleys, og at dómurin bara hevur til endamáls at forða fyri, at tann væl umtókti andstøðuleiðarin skal stilla upp til valið næsta ár.
