Nú kom so aftur ein nýggjur Audi á marknaðin. Talan er um A3 Sportback við fimm hurðum og sportsligum designi. Undirvognurin er soleiðis gjørdur, at bilurin hevur sportligar koyrieginleikar og sera góðan stabilitet í svingum.
A3 Sportback hevur elektromekaniskar róðurgreiðir og servostýring, sum tillagar seg ferðina. Bilurin hevur "multilink-bakaksil" og fæst eisini sum 4x4 Quattro í dýraru útgávunum.
Ein heilt nýggjur 2.0T FSI bensinmotorur við turbo og 200 hk er á skránni. Hinir motorarnir eru: Tveir 1,6 litur bensinmotar vi ávikavist 102 og 115 hk, ein 3,2 litur V6 motorur, og tveir 1,9 og 2,0 TDI dieselmotorar. Nakrar av útgávunum hava 6-trins girkassa
A3 Sportback fæst í trimum útgávum hvat útgerð viðvíkur, grundútgávan er Attraction, sportútgávan er Ambition og Ambiente er luksusútgávan.
Av trygdarútgerð kunnu vit nevna t.d. aktivar nakkapútur, airbag framman, í síðunum og høvuðairbag til tey ferðandi framman og aftan. Automatiskt klimaanlegg er standard. Bilurin hevur eisini elektroniska stabilitetsprogrammið (ESP) og bremsuassistent.
