FC Barcelona vann sunnudagin ein týðandi 4-1 sigur á Valencia í stríðum, um at røkka Champions League fótbólt komandi kappingarár. 32 ára gamli Pierre-Emerick Aubameyang skoraði hattrik fyri gestirnar í Katalonia.
Við hesum hevur gambiski landsliðsspælarin skorað hattrik í bestu deildini í Onglandi, Fraklandi, Týsklandi og nú Spania. Hann skoraði fyrst hattrik í Fraklandi fyri Saint-Etienne, síðani fyri Borussia Dortmund í Týsklandi og Arsenal í Premier League, áðrenn hann í gjár, sum tann fysti í nýggjari tíð, hevur skorað hattrik í hasum fýra deildunum.
Tað varð annars ikki greitt fyrr enn eftir dystin í gjár, at Pierre-Emerick Aubameyang hevði skorað hattrik, tí triðja málið helt Pedri seg hava skorað. Hann átti skotið, men eftir dystin vísti dómarin á, at skotið rakti Pierre-Emerick Aubameyang í ryggin og broytti kós.
Í hesum kappingarárinum hevur verið ilt millum Pierre-Emerick Aubameyang og venjaran hjá Arsenal, Mikel Arteta. So nógv, at Pierre-Emerick Aubameyang skifti til FC Barcelona.
| 1 | Real Madrid | 25 | 17 | 6 | 2 | 51:20 | 57 |
| 2 | Sevilla | 25 | 14 | 9 | 2 | 37:17 | 51 |
| 3 | Real Betis | 25 | 14 | 4 | 7 | 47:30 | 46 |
| 4 | FC Barcelona | 24 | 11 | 9 | 4 | 42:28 | 42 |
| 5 | Atlético Madrid | 25 | 12 | 6 | 7 | 45:34 | 42 |
| 6 | Villarreal | 25 | 10 | 9 | 6 | 42:24 | 39 |
| 7 | Real Sociedad | 24 | 10 | 8 | 6 | 24:25 | 38 |
| 8 | Athletic Bilbao | 25 | 9 | 10 | 6 | 29:21 | 37 |
| 9 | Osasuna | 25 | 8 | 8 | 9 | 25:30 | 32 |
| 10 | Celta Vigo | 24 | 8 | 7 | 9 | 28:25 | 31 |
| 11 | Rayo Vallecano | 24 | 9 | 4 | 11 | 28:29 | 31 |
| 12 | Valencia | 25 | 7 | 9 | 9 | 37:42 | 30 |
| 13 | Espanyol | 25 | 7 | 8 | 10 | 30:35 | 29 |
| 14 | Elche | 25 | 7 | 8 | 10 | 28:34 | 29 |
| 15 | Getafe | 25 | 6 | 8 | 11 | 24:28 | 26 |
| 16 | Mallorca | 24 | 6 | 8 | 10 | 23:38 | 26 |
| 17 | Granada | 25 | 5 | 9 | 11 | 27:40 | 24 |
| 18 | Cádiz | 25 | 3 | 11 | 11 | 21:39 | 20 |
| 19 | Alavés | 25 | 5 | 5 | 15 | 19:42 | 20 |
| 20 | Levante | 24 | 2 | 8 | 14 | 24:50 | 14 |
