Nógv olja sær út til at verða í Ardmore-brunninum, og nú skulu víðari kanningar gerast. Tað upplýsir Atlantic Petroleum, sum eigur 18,3 prosent av leitiloyvinum. Úrslitið er grundað á kanningar av innsavnaðum dátum, og nú fer samstarvið at leita sær hjálp frá serfrøðingum, fyri at finna útav, hvussu nógv úr brunninum kann útvinnast.
Ardmore leitimiðið liggur 60 km út fyri írsku suðurstrondini á 90 metra dýpi.
